واشنگٹن: (ویب ڈیسک) پاکستان کے لیے اہم پیشرفت، آئی ایم ایف ایگزیکٹو بورڈ نے ای ایف ایف اور آر ایس ایف پروگرام کے تحت 1.29 ارب ڈالر کی نئی قسط کی منظوری دے دی۔
واشنگٹن میں منعقدہ اجلاس میں پاکستان کے لیے ایکسٹینڈڈ فنڈ فیسلٹی (EFF) اور ریزیلینس اینڈ سسٹین ایبلٹی فیسلٹی (RSF) کے تحت دو اقساط کی منظوری دی گئی، جن میں سے 1.3 ارب ڈالر فوری طور پر جاری کیے جائیں گے۔
پاکستان کے لیے ای ایف ایف پروگرام کی یہ تیسری قسط جبکہ موسمیاتی تبدیلیوں سے متعلق آر ایس ایف پروگرام کی پہلی قسط ہے۔ نئی رقم جاری ہونے کے بعد مجموعی وصولیاں 3.3 ارب ڈالر تک پہنچ جائیں گی۔
ذرائع کا کہنا ہے کہ آئی ایم ایف نے پاکستان کے قرض پروگرام پر عمل درآمد کو تسلی بخش قرار دیا ہے، جبکہ حکومت نے معاشی اصلاحات کے تسلسل کی یقین دہانی بھی کرائی ہے۔
