اسلام آباد، (ویب ڈیسک) حکومت نے عوام کو ریلیف فراہم کرنے کے لیے مائع پٹرولیم گیس (ایل پی جی) کی قیمت میں 5 روپے 88 پیسے فی کلو کمی کر دی ہے۔
اوگرا کی جانب سے جاری نوٹیفکیشن کے مطابق نئی قیمت کے تحت ایل پی جی 201 روپے 60 پیسے فی کلو مقرر کی گئی ہے۔ گھریلو سلنڈر کی قیمت میں بھی 69 روپے 44 پیسے کمی کی گئی ہے، جس کے بعد نئی قیمت 2,378 روپے 89 پیسے ہو گئی ہے۔
گزشتہ ماہ اکتوبر میں گھریلو سلنڈر کی قیمت 2,448 روپے تھی۔ نومبر کے آغاز پر ایل پی جی کی قیمتوں میں یہ کمی عوام کے لیے نمایاں ریلیف ثابت ہوگی۔ اوگرا کا کہنا ہے کہ نئی قیمتیں فوری طور پر نافذ العمل ہوں گی۔
