ہیڈ مرالہ (رپورٹ: اویس احمد رضا) گزشتہ رات سے صبح تک ہوا، گرج چمک کے ساتھ بارش کاسلسلہ جاری رہا جس سے موسم انتہائی خوشگوار ہوگیا۔ تفصیلات کے مطابق ہیڈ مرالہ اور گردو نواح میں منگل اور بدھ کی رات سے بارش کا سلسلہ بدھ کی صبح تک جاری رہا ہے اور ساتھ ٹھنڈی ہوا بھی جاری رہنے سے موسم انتہائی خوشگوار ہوگیا جبکہ تیز ہوا کے وجہ سے گندم کی فصل زمین کے ساتھ لگ گئی اس وجہ سے کسان طبقہ پریشان ہوا ہے ان کا کہنا ہے جہاں موسم خوشگوار ہوا ہے تودوسری طرف فصل کو بھی نقصان ہوا ہے، کسانوں کا کہنا ہے کہ گندم کی فصل پکنے کے بالکل قریب ہے اس لیے اسے تیز ہوا اور باد و باراں نقصان پہنچا سکتا ہے۔
