ملائشیا/ کوالالمپور (رپورٹ: عامر وقاص چوہدری) جمعے کے روز ملائشیا کے شہر جوہر بارو میں تعمیراتی سائٹ پر عمارت کی تیسری منزل سے گرنے کے بعد 50 سالہ پاکستانی شخص جانبحق ہو گیا تھا۔ متوفی کی شناخت افضل کے نام سے ہوئی ہے متوفی منڈی بہاؤ الدین کا رہائشی تھا ملائشیا میں بریک فیلڈز میں رہائش پذیر تھا اور 4 ماہ قبل متوفی کام کی تلاش میں ملائشیا کے شہر جوہر بارو گیا تھا جہاں اس کی حادثے میں موت واقعے ہوگئی ہے۔ پاکستانی سفارتخانے کے ذرائع کے مطابق کے حادثے میں جانبحق ہونے والے پاکستانی شخص کی نعش کو ضابطے کی کاروائی کے بعد پاکستان بھیجنے کے انتظامات کرلئے ہیں۔
