کراچی (رپورٹ: ذیشان حسین) کمشنر ہاؤس میں ایڈیشنل کمشنر کراچی سید جواد مظفر اور اسسٹنٹ کمشنر جنرل کراچی سے پاکستان جونیئر فٹبال ٹیم کے کوچ اور نیشنل بینک کے غلام شبیر اور عظمت اللہ خان کی ملاقات تیسری کمشنر کراچی سٹی میراتھون کو کامیاب بنانے کے لئے شرکت کی یقین دہانی، غلام شبیرنے کمشنر کراچی محمد اقبال میمن سے اظہار تشکرکرتے ہوئے کہا جس طرح سے کراچی میں کھیلوں کو فروغ مل رہا ہے وہ دن دور نہیں جب یہ شہر اسپورٹس سٹی قرار پائے گا، اور تیسری کمشنر کراچی سٹی میراتھون کے انعقاد سے دنیا میں ایک سافٹ میسج جائیگا۔
انہوں نے مزید کہا کہ وہ وقت دور نہیں کہ جب انٹرنیشنل میراتھون کا انعقاد بھی پاکستان کے شہر کراچی میں ہوگا۔ انہوں نے اہلیان کراچی سے درخواست کی ہے کہ وہ جوق درجوق شرکت کرکے کراچی کا نام دنیائے کھیل میں روشن کریں۔
