لاہور (بیورو رپورٹ) وزیر اعظم عمران خان کی اہلیہ نے پنجاب انسٹیٹیوٹ آف مینٹل ہیلتھ کا دورہ کیا ہے اور وہاں مریضوں کے لیے سہولیات کا جائزہ لیا ہے۔ سرکاری ٹی وی کے مطابق وزیر اعظم عمران خان کی اہلیہ بشریٰ بی بی نے لاہور میں پنجاب انسٹیٹیوٹ آف مینٹل ہیلتھ کا دورہ کیا ہے، اس موقع پر انہوں نے اسپتال کے مختلف شعبوں کا دورہ کیا اور سہولیات پر بریفنگ لی۔ بشریٰ بی بی نے انتظامیہ سے اسپتال کی مزید بہتری کے لئے پلان بھی طلب کرلیا۔ واضح رہے کہ خاتون اول عام طور پر کسی سرکاری پروٹوکول کے بغیر عوامی مقامات کے دورے کرتی ہیں، اس سے قبل، وہ داتا دربار، دارالشفقت، فاؤنٹین ہاؤس اور دیگر مقامات کا دورہ بھی کرچکی ہیں۔
