بیروت (مانیٹرنگ ڈیسک) کویت ائیرویز کی پرواز کے یو ۔501 کو بیروت رفیک ہریری ائیرپورٹ پر لینڈنگ سے قبل مشکلات کا سامنا، بیروت رفیک ائیرپورٹ پر لینڈنگ سے قبل کویت ائیرویز کا طیارہ کے یو ۔501 آٹھ ہزار فٹ کی بلندی پر کسی چیز سے ٹکرا گیا، نیشنل نیوز ایجنسی کی اطلاع کے مطابق طیارہ اولوں یا بجلی سے ٹکرایا۔ جہاز کے کپتان کا کہنا ہے کہ طیارے کو برف سے بھرے بادلوں سے گزرتے ہوئے نقصان پہنچا۔ ذرائع کے مطابق طیارے کی کھڑکیوں کو کوئی نقصان نہیں پہنچا جبکہ وہ طیارے کا سب سے حساس حصہ ہوتا ہے البتہ کسی بھی قسم کا جانی نقصان نہیں ہوا۔ اب تک کے اندازوں کے مطابق طیارہ یا تو بجلی یا پھر کسی بڑے پرندے سے ٹکرایا۔
