پشاور (رپورٹ: اصغر خان) خیبرپختونخوا میں اساتذہ کی غیر حاضریاں کنٹرول کرنے کے لئے بڑا فیصلہ، چار مرتبہ غیر حاضری پر 3 سال کے لئے انکریمنٹ بند کردیا جائے گا، پانچویں غیر حاضری پر تنزلی یا پر برطرفی کا سامنا کرنا پڑیگا۔ محکمہ تعلیم کے مطابق چھٹیوں کی نگرانی کے لئے نیا مانیٹرنگ سسٹم متعارف، بغیر اطلاع کے ایک دن کی چھٹی پر تنخواہ کی کٹوتی ہوگی، آن لائن ایکشن مینیجمنٹ سسٹم کے تحت اب تک اساتذہ کی تنخواہوں سے 25 ملین واپس لئے گئے۔ آن لائن ایکشن منیجمنٹ سسٹم رپورٹ کے مطابق 3 ہزار اساتذہ کی دو سال اینکریمنٹ بند کردی گئی، 998 اساتذہ کے خلاف کیسز رجسٹرڈ ہوئے، 64 اساتذہ کو نوکری سے فارغ کردیا گیا ہے۔
