ٹوبہ ٹیک سنگھ (بیورو رپورٹ) ٹوبہ ٹیک سنگھ کے نواحی گاؤں ناگرہ میں ماں اور 3 بیٹیاں پراسرار طور پر جاں بحق ہوگئی ہیں۔ تفصیلات کے مطابق ٹوبہ ٹیک سنگھ کے رجحانہ پولیس اسٹیشن کی حدود میں واقع گاؤں ناگرہ میں ریاض نامی شخص کی بیوی اور 3 بیٹیاں مردہ حالت میں پائی گئیں، پولیس نے ریاض کو حراست میں لے لیا جبکہ 50 سالہ نسیم بی بی اس کی بیٹیوں رضیہ، خدیجہ اور عائشہ کی لاشیں پوسٹ مارٹم کے لیے اسپتال بھجوا دیں۔ ریاض کا کہنا ہے کہ بیوی اور بیٹیاں اچھی بھلی تھیں، گزشتہ رات رات وہ کھانا کھا کر سوئیں لیکن صبح مردہ حالت میں ملیں ہیں۔
