میاں چنوں (رپورٹ: شاہد عباس سیال) میاں چنوں وزیراعلیٰ پنجاب سردار عثمان بزدار سے ساؤتھ ایشیئن گیمز 2019ء میں جیولین تھرو میں نیا ریکارڈ قائم کرکے گولڈ میڈل جیتنے والے میاں چنوں کے نواحی گاؤں 101 پندرہ ایل کے رہائشی نوجوان کھلاڑی ارشد ندیم کی ملاقات۔ وزیراعلیٰ پنجاب نے شاندار کارکردگی پر ارشد ندیم کو 5 لاکھ روپے کا چیک دیا اس موقع پر وزیر اعلیٰ پنجاب کا کہنا تھا کہ پنجاب حکومت ارشد ندیم جیسے کھلاڑیوں کی حوصلہ افزائی کرتی رہے گی۔ اس دوران صوبائی وزیر کھیل تیمور بھٹی، ڈی جی سپورٹس بورڈ پنجاب سمیت ارشد ندیم کے والدین، بھائی اور کمسن بیٹی بھی موجود تھی ارشد ندیم کے والدین نے کہا کہ ہمارے بیٹے نے ہمارا سر فخر سے بلند کردیا ہے۔
