نئی دہلی (مانیٹرنگ ڈیسک) بھارت کے طیاروں کے تباہ ہونے کا سلسلہ جاری ہے، بھارت کا ایک اور مگ 29 جنگی طیارہ گر کر تباہ ہو گیا۔ طیارہ بھارتی شہر گوا میں گر کر تباہ ہوا تاہم دونوں پائلٹس باحفاظت نکلنے میں کامیاب رہے۔ بھارتی بحریہ کے زیر استعمال طیارہ تربیتی مشن پر تھا جو اڑان بھرنے کے چند لمحوں بعد ہی تباہ ہوگیا۔ بھارتی میڈیا کا بتانا ہے کہ طیارے سے پرندہ ٹکرایا جس کے بعد اس کے دائیں جانب کے انجن میں آگ بھڑک اٹھی۔
