سری نگر (مانیٹرنگ ڈیسک) مقبوضہ کشمیر میں بھارتی فوج کی ریاستی دہشتگردی جاری ہے قابض فوج نے جعلی جھڑپ کے دوران دو کشمیریوں کو شہید کر دیا۔ تفصیلات کے مطابق مقبوضہ کشمیر میں قابض بھارتی فوج کی جارحیت کا سلسلہ تھم نہ سکا۔ ضلع شوپیاں میں بھارتی فورسز نے جعلی جھڑپ کے دوران دو کشمیری نوجوانوں کو شہید کر دیا ہے۔کشمیریوں کی شہادت کے بعد ضلع میں مظاہروں کا سلسلہ جاری ہے۔ بھارتی فوج نے کشمیریوں نے نوجوانوں کی شہادت کے خلاف بھرپور احتجاج کیا، پرامن مظاہرین پر بھارتی فورسز نے فائرنگ کر دی جس سے پانچ نوجوان زخمی ہو گئے۔ واقعے کے بعد علاقے میں انٹرنیٹ اور موبائل سروس بند کر دی گئی ہے۔
