میرپورخاص (رپورٹ: ایم ہاشم شر) ڈپٹی کمشنر زاہد حسین میمن نے مظلوم و متاثرہ خواتین کے تحفظ کیلئے میرپورخاص میں قائم کردہ سیف ہاؤس کا دورہ کیا اس موقع پر ڈپٹی کمشنر نے کہا کہ مظلوم و متاثرہ خواتین کو تحفظ دینا ضلعی انتظامیہ کی ذمےداری ہے جس کو خوش اسلوبی سے سرانجام دیا جائے گا انہوں نے کہا کہ سیف ہاؤس میں تمام ضروری بنیادی سہولیات مہیا کی جائیں گی انہوں نے متعلقہ افسر کو ہدایت کی کہ سیف ہاؤس میں پانی، فرنیچر اور ضروری مرمت کا کام کرایا جائے- ڈپٹی کمشنر نے سیف ہاؤس کی سیکورٹی پر اطمینان کا اظہار کیا دورے کے دوران سیف ہاؤس کے انچارج و ڈسٹرکٹ آفیسر وومین ڈیولپمنٹ طارق وحید گڈانی بلوچ نے سیف ہاؤس کے متعلق تفصیلی بریفنگ دی.
