کراچی (رپورٹ: ذیشان حسین) فیصل کریم کنڈی کے بیان پر ترجمان جمعیت علماء اسلام پاکستان اسلم غوری نے ردعمل دیتے ہوۓ کہا کہ فیصل کریم کنڈی صاحب ہم پر توجہ دینے کے بجائے سندھ پر توجہ دیں، 13 سالوں سے سندھ میں جو دودھ اور شہد کی نہریں بہہ رہی وہ سب کو پتا ہے، سندھ میں نہ کتا کاٹنے والی ادویات موجود ہیں اور نہ ہی ہسپتالوں میں عملہ، بلاول بھٹو صاحب اور ان کے مشیروں کو مشورہ ہے کہ منہ کھولنے سے پہلے زرداری صاحب سے اجازت لے لیا کریں۔ پیپلز پارٹی سلیکٹرز کی ٹیم کے 12 ویں کھلاڑی ہیں، بلاول صاحب کو مشورہ ہے کہ فیصل کریم کنڈی کو ایک بار لاڑکانہ کی گلیوں کا وزٹ کروائیں، لاڑکانہ کی گلیوں کا دورہ کرنے کے بعد امید ہے کنڈی صاحب کی دماغی کیفیت درست ہوجائے گی۔
