چیئرمین سہراب گوٹھ لالہ عبدالرحیم نے وزیرِ اعلیٰ سندھ سید مراد علی شاہ کے ہمراہ ٹاؤن میں انسداد پولیو مہم کا افتتاح کیا۔ ٹاؤن کے بچوں کی صحت کے تحفظ کے لئے خصوصی اقدامات، انسداد پولیو مہم کا مقصد بچوں کو اس مہلک مرض سے بچانا ہے۔ لالہ عبدالرحیم

کراچی، (رپورٹ، ذیشان حسین) چیئرمین سہراب گوٹھ ٹاؤن لالہ عبدالرحیم نے انسداد پولیو مہم کا افتتاح کیا۔ ٹاؤن کے بچوں کی صحت کے تحفظ کے لئے خصوصی اقدامات۔ اس موقع پر ان کے ہمراہ وزیر صحت ڈاکٹر عذرا پیچوہو ڈایریکٹر ہیلتھ سروسز، ڈی جی پیپلز پبلک ہیلتھ انیشیٹیو انسداد پولیو مہم و دیگر متعلقہ افسران بھی موجود تھے۔پولیو مہم کے افتتاحی پروگرام سے گفتگو کرتے ہوئے چیئرمین ٹاؤن نے کہا کہ ٹاؤن کے بچوں کی صحت کے لئے کئے جانے والے حکومتی اقدامات کا خیر مقدم کرتے ہیں۔ انہوں نے کہا کہ انسداد پولیو مہم کا مقصد بھی بچوں کو اس مہلک مرض سے بچانا ہے کیونکہ اس مہلک مرض کی وجہ سے بچوں میں معذوری پیداہوجاتی ہے،اپنے نونہالوں کو اس مرض سے بچانے کے لئے حکومتی سطح پر پولیو مہم کا انعقاد کیا جاتا ہے تاکہ بچوں کو اس مہلک مرض سے بچایا جا سکے، اس سلسلے میں ٹاؤن کے تمام اسکولوں میں بھی 05 سال کی عمر تک کے ہر طالب علم کو پولیو کے قطرے پلانے کے لئے بھرپور اقدامات کئے جارہے ہیں۔ انہوں نے انتظامیہ کو ہدایت دیتے ہوئے کہا کہ محکمہ صحت کے نمائندگان سے پورا تعاون کیا جائے۔دوسری جانب انہوں نے پولیو کے حوالے سے یوسی میڈیکل آفیسر کی حوصلہ افزائی کرتے ہوئے کہا کہ پولیو ورکرز حکومت کی نمائندگی کرتے ہیں اور ایک اعلیٰ مقصد کے لئے اپنی خدمات انجام دے رہے ہیں۔نے والدین سے اپیل کی کہ وہ اپنے بچوں کو عمر بھر کی معذوری سے بچانے کے لئے پولیو کے قطرے ضرور پلوائیں، اس دوران محکمہ صحت کے ورکرز آپ کی دہلیز پرپولیو ویکسین کی سہولیات مہیا کریں گے جس کا بھرپور فائدہ اٹھائیں۔