پریزیڈنٹ سید امتیاز علی شاہ 5-اے سائیڈ ہاکی ٹورنامنٹ کا شاندار اغاز

کراچی، (اسپورٹس رپورٹر) اولمپیئن حنیف خان ہاکی اسٹیڈیم میں پریزیڈنٹ کھا سید امتیاز علی شاہ 5-اے سائیڈ ہاکی ٹورنامنٹ کے پہلے دن کے مقابلوں میں زبردست جوش و خروش اور دلچسپ میچز دیکھنے کو ملے۔ مختلف ہاکی کلبوں کے کھلاڑیوں کی صلاحیت اور جذبے نے دن کو یادگار بنایا۔ میچ 1: یوتھ ایچ سی اورنج نے ایک سنسنی خیز مقابلے میں حنیف خان کو 4-3 سے شکست دی، جس سے دن کا آغاز زبردست جوش و خروش کے ساتھ ہوا۔ یوتھ ایچ سی اورنج کے لیے شاہباز حیدر اور علی اقبال نے 1-1 گول کیے جبکہ ارباز نے 2 گول کیے۔ حنیف خان کی طرف سے بابر سعادت نے 2 اور حذیفہ نے 1 گول کیا۔ میچ 2: دستگیر ایچ سی نے پی ٹی سی ایل ایچ سی کے خلاف بہترین کھیل کا مظاہرہ کرتے ہوئے 8-3 کی بڑی کامیابی حاصل کی۔ سعد نے دستگیر کے لیے شاندار 6 گول کیے اور رحمان نے 2 گول کر کے فتح میں حصہ ڈالا۔ پی ٹی سی ایل کی طرف سے فاروق اور حارث نے بالترتیب 2 اور 1 گول کیے۔ میچ 3: یوتھ ایچ سی بلیو نے گلبرگ ایچ سی کو 5-2 سے ہرا دیا۔ ریان نے شاندار کارکردگی کا مظاہرہ کرتے ہوئے 4 گول کیے اور ارسلان نے 1 گول کیا۔ گلبرگ کی طرف سے دانیال نے 2 گول کیے۔ میچ 4: ایک یکطرفہ مقابلے میں پاک فلیگ ایچ سی نے جعفری جے ایچ سی کو 10-1 کے بڑے فرق سے شکست دی۔ پاک فلیگ ایچ سی کے اویس نے شاندار 6 گول کیے، صدیق نے 3 اور عمر نے 1 گول کیا۔ جعفری جے ایچ سی کی جانب سے علیا نے 1 گول کیا میچ 5: ال صغیر ایچ سی نے بلدیہ کو 10-0 سے شکست دی، جس میں بلال نے 5، شاہ زیب، محسن، علی عباس، اور احمد نے بالترتیب 1-1 گول کیے اور دن کا سب سے بڑا فرق قائم کیا۔ میچ 6: ربانی ایچ سی نے سینٹرل فٹنس ایچ سی کو 4-1 سے شکست دی، جس میں عمیر نے 3 اور دانی نے 1 گول کیے۔ سینٹرل فٹنس ایچ سی کے عبداللہ نے 2 اور اویس نے 1 گول کیا۔ میچ 7: عدنان لڈو نے 2 گول کرکے نعمان کے ساتھ مل کر ربانی ایچ سی کو فتح دلائی، جبکہ جونید نے سینٹرل فٹنس ایچ سی کے لیے 1 گول کیا۔ ٹورنامنٹ کے مزید دلچسپ میچز جاری ہیں، جو ہاکی کے شائقین کو خطے کے بہترین کھلاڑیوں کی کارکردگی دیکھنے کا موقع فراہم کر رہے ہیں۔