حیدرآباد ٹگ آف وار ٹورنامنٹس میں گورنمنٹ گرلز و بوائز ڈگری کالجز کوٹری کی سیمی فائنلز میں رسائی اب کھیلے گا حیدرآباد سلوگن کے تحت اقبال ڈے اسپورٹس فیسٹول کے مقابلوں کا ڈی ایس او مریم کیریو کی نگرانی میں شاندار آغاز

کوٹری,(رپورٹ، ذیشان حسین)”اب کھیلے گا حیدرآباد” سلوگن کے تحت اقبال ڈے اسپورٹس فیسٹول کے مقابلوں کا ڈی ایس او مریم کیریو کی نگرانی میں اسپورٹس کمپلیکس پبلک اسکول حیدرآباد میں شاندار آغاز ہوگیا۔ سیکریٹری اسپورٹس اینڈ یوتھ افیئرز عبدالعلیم لاشاری نے افتتاح کے بعد ڈائریکٹر کالجز حیدرآباد پروفیسر ناصر اقبال، پرنسپل پبلک اسکول حیدرآباد اقبال میمن کے ساتھ مختلف ایونٹس میں شرکت کی۔
سیکریٹری حیدرآباد ڈویژنل ٹگ آف وار ایسوسی ایشن و ڈائریکٹر فزیکل ایجوکیشن گورنمنٹ گرلز ڈگری کالج کوٹری عائشہ ارم کی نگرانی میں شروع ہوئے بوائز و گرلز ٹگ آف وار مقابلوں میں میں گورنمنٹ گرلز ڈگری کالج کوٹری اور علی بابا گورنمنٹ بوائز ڈگری کالج کوٹری کی ٹیمیں سیمی فائنلز میں پہنچ گئی ہیں۔ ایونٹ کا افتتاح چیف ڈائریکٹر فزیکل ایجوکیشن و ٹورنامنٹ ٹیکنیکل ڈائریکٹر پرویز احمد شیخ، ریحانہ کوثر بھٹی، خرم رفیع صدیقی، فیضان شیخ کے ہمراہ ڈی ایس او مریم کیریو نے کیا۔ میچز کو محی الدین شیخ، رمیز راجہ، سید عدنان، انیلا مہوش، ظہیر الدین، زریاب علی، جاوید ڈیرو، بابر علی، حیدر علی, عمران خان, ہارون اور نبیل سپروائز کررہے ہیں