امریکی ٹینس کھلاڑی مائیکل مموہ اوپن سڈ ڈی فرانس ٹینس مینز سنگلز کوارٹر فائنل میں داخل

پیرس, (نوپ انٹرنیشنل اسپورٹس) امریکی ٹینس کھلاڑی مائیکل مموہ ،اوپن سڈ ڈی فرانس ٹینس ٹورنامنٹ کے مردوں کے سنگلز مقابلوں کے کوارٹر فائنل رائونڈ میں پہنچ گئے ۔ 26 سالہ امریکی ٹینس کھلاڑی نے مینز سنگلز مقابلوں کے دوسرے راؤنڈ میں میزبان حریف ٹینس کھلاڑی الیگزینڈر مولر کو شکست دے کر ٹاپ ایٹ رائونڈ کے لئے کوالیفائی کیا فرانس کے مشہور شہر مونٹ پیلیئرمیں جاری اے ٹی پی ایونٹ میں سنسنی خیز مقابلے جاری ہیں۔ مونٹ پیلیئرکے سڈ ڈی فرانس ارینا میں کھیلے گئے مردوں کے سنگلز مقابلوں کے دوسرے رائونڈ میچ میں امریکی ٹینس کھلاڑی مائیکل مموہ نے شاندار کارکردگی کا مظاہرہ کرتے ہوئے میزبان حریف کھلاڑی الیگزینڈر مولر کو سٹریٹ سیٹس میں 4-6 اور 4-6 سے شکست دے کر نہ صرف ایونٹ سے باہر کر دیا بلکہ کوارٹر فائنل رائونڈ کے لئے بھی کوالیفائی کرلیا۔