Home / اہم خبریں / آرٹس کونسل آف پاکستان کراچی اسکول آف ویژوول اینڈ پرفارمنگ آرٹس کی جانب سے فائن آرٹس، ٹیکسٹائل ڈیزائن اور کمیونی کیشن کے طلباءکے تھیسسزڈسپلے 2024ءکا انعقاد

آرٹس کونسل آف پاکستان کراچی اسکول آف ویژوول اینڈ پرفارمنگ آرٹس کی جانب سے فائن آرٹس، ٹیکسٹائل ڈیزائن اور کمیونی کیشن کے طلباءکے تھیسسزڈسپلے 2024ءکا انعقاد

کراچی، (رپورٹ، ذیشان حسین) آرٹس کونسل آف پاکستان کراچی اسکول آف ویژوول اینڈ پرفارمنگ آرٹس کی جانب سے فائن آرٹس، ٹیکسٹائل ڈیزائن اور کمیونی کیشن میں تھرڈ اور فورتھ ایئر طلباءکے تھیسسزڈسپلے 2024ءکا انعقاد احمد پرویز آرٹ گیلری میں کیاگیا جس کا افتتاح صوبائی وزیر ثقافت ، سیاحت و آرکائیوز سید ذوالفقار علی شاہ نے کیا اس موقع پر صدر آرٹس کونسل محمد احمد شاہ ، شاہد رسام، فرخ شہاب، نذرالاسلام، محمد ذیشان، جواد جان بلوچ اور آرٹ اسکول کے اساتذہ بھی ان کے ہمراہ موجود تھے، صوبائی وزیر ثقافت ذوالفقار علی شاہ نے تھیسسز ڈسپلے سے اظہارِ خیال کرتے ہوئے کہاکہ کلچر وہ واحد زبان ہے جو سرحدوں کو توڑ سکتی ہے، ہم نفرتوں کو ختم کرنا چاہتے ہیں، آج تھیسسز ڈسپلے میں بچوں کا کام دیکھ کر بہت خوشی ہورہی ہے، میں احمد شاہ اور شاہد رسام کا شکر گزار ہوں، اس طرح کی نمائش اور آرٹ ڈسپلے ہمارے بچوں کو خود مختار بناتے ہیں، یہی بچے بین الاقوامی طور پر پاکستان کا مثبت چہرہ دکھاتے ہیں، فن و ثقافت کے فروغ کے لیے کام کرنے پر آرٹس کونسل آف پاکستان کراچی کا نام پورے پاکستان میں پہلے نمبر پر ہے اس کا سہرا احمد شاہ کو جاتاہے ، انہوں نے بتایا کہ ترکی میں مجھے انڈیا کے مشہور اداکار انیل کپور ملے انہوں نے مجھ سے کہا کہ میں جب بھی پاکستان آیا تو احمد شاہ سے ضرور ملوں گا ، انہوں نے کہاکہ ہم کوشش کریں گے انڈین فلموں کو پاکستانی سنیما گھروں میں دکھانا شروع کریں، ہم نے اگلے ورلڈ کلچر فیسٹیول کی تیاریاں شروع کردی ہیں، کوشش ہوگی کہ پوری دنیا کے آرٹسٹوں کو ایک جگہ جمع کریں، احمد شاہ سندھ کے تمام آرٹس کونسلز کے صدر ہیں، حیدر آباد ،لاڑکانہ ، میر پور خاص سمیت اندرون سندھ میں بھی ایونٹ کرائیں گے ۔ صدر آرٹس کونسل محمد احمد شاہ نے اظہارِ خیال کرتے ہوئے کہاکہ مجھے ان بچوں پر فخر ہے جن کی محنت رنگ لا رہی ہے، ہم نے انہیں کبھی مایوس نہیں ہونے دیا، رواں سال آرٹس کونسل کی فائن آرٹ یونیورسٹی کا قیام عمل میں لایا جائے گا، آرٹس کونسل اگلے سال باقاعدہ ڈگری دے گا، انہوں نے کہاکہ اگر اس ملک میں کسی آرٹ یونیورسٹی کی ڈگری کی اہمیت ہوگی تو وہ آرٹس کونسل کی یونیورسٹی ہو گی۔سید ذوالفقار علی شاہ نے نہ صرف کلچر بلکہ ہیریٹیج پر بھی بہت کام کیاہے انہوں نے کہاکہ اگر بچے اپنے کینوس، اپنے میوزک پر کام کرتے ہیں تو وہ پاورفل ہوتے ہیں ، ملک کے بڑے بڑے آرٹسٹ آکر کہتے ہیں کہ اتنے اچھے اسٹوڈنٹس اور ان کا کام صرف آرٹس کونسل میں مل سکتا ہے، طلباءچاہے لیاقت آباد کے ہوں یا لیاری کے آرٹس کونسل ہر ایک بچے پر ایک لاکھ سے زائد خرچ کرتاہے ۔آرٹ اسکول کے پرنسپل شاہد رسام نے کہاکہ یہ ہمارے آرٹ اسکو ل کے طلباءکا تھیسسز ہے ، ہم نے آج سے دس سال پہلے یہ کام شروع کیا پھر سوچا کہ تھیسسز ڈسپلے میں تھرڈ ائیر کا تھیسسز بھی شامل ہونا چاہیے ، اس ڈسپلے میں ہمارے تمام فیکلٹی ممبرز کی محنت شامل ہے ، اس وقت آرٹس کونسل کا آرٹ اسکول پاکستان میں پہلے نمبر پر ہے، وہ بچے اور بچیاں جو کاغذ اور پنسل بھی نہیں خرید سکتے تھے ہم نے ان بچوں سے ایک ہی تقاضہ کیا کہ آپ نے من لگاکر کام کرنا ہے آج ہمیں ان بچوں پر فخر ہے۔ فائن آرٹس (تھرڈ ایئر) کے طلباءعاصم نقوی، طحہ عباس، رمشہ خاشیر، زہرہ علی، فاہا شابی، کمیونی کیشن ڈیزائن (فورتھ ایئر) میں حذیفہ خان، عبداللہ علی خان، اکرم اللہ خان جبکہ ٹیکسٹائل ڈیزائن میں تھرڈ ایئر کی ثانیٔ زہرہ اور فورتھ ایئر میں حذیفہ خان ،علیزہ عبدالوہاب کا کام تھیسسزڈسلپے کیاگیا ، 15جنوری سے شروع ہونے والا تین روزہ تھیسسزڈسپلے 2024ء، 17جنوری 2025ءتک احمد پرویز آرٹ گیلری، احمد شاہ بلڈنگ میں جاری رہے گا۔

About Dr.Ghulam Murtaza

یہ بھی پڑھیں

وزارت اوورسیز کے فوکل پرسن اکرام الدین کی ایم پی اے حاجی فضل الٰہی سے ملاقات۔

ملاقات میں ملکی سیاسی صورتحال،اوورسیز پاکستانیوں کے مسائل و مشکلات اور دیگر امور پر تبادلہ …

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے